ଏକ ନୂଆ ଆରମ୍ଭ

ହୋଟେଲ ଓ ରେଷ୍ଟୁରାଣ୍ଟ କର୍ମଚାରୀ ଙ୍କୁ ଟୀକା

0

ଭୂବନେଶ୍ବର ମୁନିସପାଲିଟି ତରଫରୁ ବିଭିନ୍ନ ବର୍ଗର ନାଗରିକମାନଙ୍କୁ ଟୀକା କରଣ ଅବସରରେ ହୋଟେଲ ଓ ରେଷ୍ଟୁରାଣ୍ଟ କର୍ମଚାରୀ ଙ୍କ ଟୀକାକରଣ ନୟାପଲ୍ଲୀ ଠାରେ ଅନୁଷ୍ଠିତ ହୋଇଯାଇଅଛି।

ଲକ୍ ଡାଉନ୍ ସମୟରେ ରେଷ୍ଟୁରାଣ୍ଟ ଗୁଡିକ ଖୋଲାଥିବା ବେଳେ ଅନଲାଇନ ମାଧ୍ୟମ ରେ ଖାଦ୍ୟ ପହଞ୍ଚାଯାଉଛି। ଏଥିପାଇଁ ରେଷ୍ଟୁରାଣ୍ଟ କର୍ମଚାରୀ ଙ୍କ ଟୀକାକରଣ ପାଇଁ ରେଷ୍ଟୁରାଣ୍ଟ ଆସୋସିଏସନ୍ ଫର୍ ଓଡ଼ିଶା (ରାଓ) ଓ ଭୁବନେଶ୍ୱର ମ୍ୟୁନିସିପାଲିଟି ମିଳିତ ସହଯୋଗରେ ଆସୋସିଏସନ୍ ର ୩୫୦ ଜଣ କର୍ମଚାରୀ ଓ କର୍ମକର୍ତ୍ତା ଙ୍କୁ ନୟାପଲ୍ଲୀ ସ୍ଥିତ ଆଇଆରସି ୟୁପିଏଚସି ରେ ଟୀକାକରଣ କରାଯାଇଛି।

“ରାଓ ” ଅଧିନରେ ଓଡ଼ିଶାର ୧୦୦ରୁ ଉର୍ଦ୍ଧ୍ବ ରେଷ୍ଟୁରାଣ୍ଟ ରହିଛି। ତେଣୁ ରେଷ୍ଟୁରାଣ୍ଟ ରେ କାର୍ଯ୍ୟରତ କର୍ମଚାରୀଙ୍କ ସୁରକ୍ଷା ପାଇଁ ସଙ୍ଗଠନର ସଭାପତି ରାଜୀବ ସ୍ବାଇଁ ଓ ସାଧାରଣ ସମ୍ପାଦକ ଏମ୍ ତେଜେଶ୍ବର ରାଓ ପ୍ରମୁଖ ଗୁରୁତ୍ଵ ଦେଇ ଟୀକାକରଣ ପାଇଁ ମ୍ୟୁନିସିପାଲଟି କମିଶନର ଙ୍କୁ ଅନୁରୋଧ କରିଥିଲେ।

ସଙ୍ଗଠନ ର ଅନୁରୋଧ ରକ୍ଷାକରି ମ୍ୟୁନିସିପାଲଟି ଓ ସ୍ବାସ୍ଥ୍ୟ କର୍ମୀ ଟୀକାକରଣ କରିଥିବାରୁ ଧନ୍ୟବାଦ ଜ୍ଞାପନ କରିଛନ୍ତି।

Leave A Reply

Your email address will not be published.