ଏକ ନୂଆ ଆରମ୍ଭ

ମା ସାମଲେଶ୍ୱରୀ ଉପରେ ପ୍ରଥମ ଚଳଚ୍ଚିତ୍ର |

0

ଲଭ୍, ରୋମାନ୍ସ, ଆକ୍ସନ ଓ କମେଡି ଟ୍ରାକ ଠାରୁ ବାହାରି ଡିଭୋସନାଲ୍‌ ଫିଲ୍ମ ପ୍ରସ୍ତୁତ କରିଛି ଅକ୍ଷୟ ପରିଜା ପ୍ରଡକ୍ସନ୍ ହାଉସ୍ । ଫିଲ୍ମର ଟାଇଟଲ ରହିଛି “ମା ସମାଲେଶ୍ୱରୀ” । ଓଡିଶାର ସମସ୍ତ ଫିଲ୍ମ ପ୍ରେମୀ ବିଶେଷ ଭାବରେ ପାଶ୍ଚାତ୍ୟ ଓଡିଶା ଲୋକଙ୍କ ପାଇଁ ଏକ ବହୁତ ଖୁସି ଖବର | ରାଜ୍ୟର ସବୁଠାରୁ ପ୍ରତିଷ୍ଠିତ ପ୍ରଡକ୍ସନ୍ ହାଉସ୍ ର ଧାର୍ମିକ ଚଳଚ୍ଚିତ୍ର “ମା ସମାଲେଶ୍ୱରୀ” ଖୁବ ଶୀଘ୍ର ମୁକ୍ତିଲାଭ କରିବାକୁ ଯାଉଛି ଉଭୟ ଛୋଟ ଆଉ ବଡ ପରଦା ରେ।

- Advertisement -

ପ୍ରଫେସର ଶଙ୍କର ପତି ଏବଂ ଐତିହାସିକ ଦୀପକ ପଣ୍ଡାଙ୍କ ପରାମର୍ଶରେ ଶ୍ରୀ ଜଗନ୍ନାଥ ସିରିଜ୍ ଫେମ୍ ଶଙ୍କର ତ୍ରିପାଠୀଙ୍କ ଦ୍ୱାରା ପ୍ରସ୍ତୁତ ଫିଲ୍ମର କାହାଣୀ | ଫିଲ୍ମର କାହାଣୀ ଏବଂ ଚିତ୍ରନାଟ୍ୟରେ ଶଙ୍କର ତ୍ରିପାଠୀ ଥିବା ବେଳେ ନିର୍ଦ୍ଦେଶନା ଦେଇଛନ୍ତି ବସନ୍ତ ସାହୁ । ଯିଏକି ଓଡ଼ିଆ ଦର୍ଶକଙ୍କୁ ଭେଟି ଦେଇଥିଲେ ‘ମା ଗୋଜବାୟାଣୀ’ ଭଳି ବ୍ଲକବଷ୍ଟର ଫିଲ୍ମ ।

୧୬ଶ ଶତାବ୍ଦୀକୁ ଫେରି ଇତିହାସକୁ ବିସ୍ତୃତ ଭାବରେ ଅନୁସନ୍ଧାନ କରାଯାଇ ପ୍ରସ୍ତୁତ ହୋଇଛି ଫିଲ୍ମ ମା’ ସମଲେଶ୍ଵରୀ ର କାହାଣୀ । ଏହି ହାଇ ବଜେଟ ଫିଲ୍ମ ଜରିଆରେ ପାଶ୍ଚାତ୍ୟ ଓଡିଶା ଇତିହାସରେ ପହଞ୍ଚିବାକୁ କରାଯାଇଛି ଚେଷ୍ଟା । ଚଳିତ ବର୍ଷ ନୁଆଖାଇରେ ଫିଲ୍ମଟିକୁ ରିଲିଜ୍ କରିବାକୁ ଯୋଜନା ରଖିଛନ୍ତି ନିର୍ମାତା ଅକ୍ଷୟ ପରଜା ।

ସବୁବେଳେ କିଛି ନୂଆ କରିବାକୁ ଚେଷ୍ଟା କରିଥାଏ ଅକ୍ଷୟ ପରିଜା ପ୍ରଡକ୍ସନ୍ସ । ଏହି ଫିଲ୍ମ ଜରିଆରେ ମଧ୍ୟ ଓଡ଼ିଶା ସିନେ ଜଗତକୁ ଅନନ୍ୟ ଏବଂ ଗୁଣାତ୍ମକ ଅଭିଜ୍ଞତା ଦେବାକୁ କରାଯାଇଛି ଚେଷ୍ଟା । ଆଗରୁ ଅକ୍ଷୟ ପରିଜା ପ୍ରଡକସନ୍ ହାଉସର ଫିଲ୍ମ ୨ଟି ଜାତୀୟ ପୁରସ୍କାର, ୨୮ଟି ରାଜ୍ୟ ପୁରସ୍କାର ଏବଂ ଅନେକ ଆନ୍ତର୍ଜାତୀୟ ପୁରସ୍କାର ଜିତିଛି | ସେଇ ଫିଲ୍ମ ଗୁଡିକ ମଧ୍ୟରେ ରହିଛି ଜିଅନ୍ତା ଭୂତ, ଥୁକୁଲ୍, ଅଗସ୍ତ୍ୟ, ଲଭ୍ ୟୁ ଜେସିକା, କେହି ନୁହେଁ କାହର ଭଳି ଓଡ଼ିଆ ଫିଲ୍ମ , ହିନ୍ଦିରେ କାଡାଇ ହାୱା ଏବଂ ବଙ୍ଗଳାରେ ଗୋତ୍ର, କାଣ୍ଟୋ, ରସଗୋଲା ଇତ୍ୟାଦି |

“ପୁରା ଟିମ୍ ର କଠିନ ପରିଶ୍ରମ ଏବଂ ମା ସାମଲେଶ୍ୱରୀଙ୍କ ଆଶୀର୍ବାଦ ସହିତ ଏହି ଫିଲ୍ମ ଲକ୍ଷ ଲକ୍ଷ ଲୋକଙ୍କ ହୃଦୟକୁ ଛୁଇଁବ ବୋଲି ଆଶା କରିଛନ୍ତି କ୍ରିଏଟିଭ୍ ହେଡ୍‌ ପ୍ରଣୟ ଜେଠି ।

Leave A Reply

Your email address will not be published.